<?xml version="1.0" encoding="UTF-8"?><song><author>E. Rainimilavonjy</author>
<hymn_number>386</hymn_number>
<title>He, Jesosy Tompo soa FFPM386</title>
<lyrics>[V1]
 Jesosy Tompo soa
 No miantso mafy hoe :
 « Manatòna avokoa
 Ry mpanota marobe !
 Fa izay manatona Ahy
 Tsy mba ho horoahiko ;
 Aza manana ahiahy,
 Raisonao ny teniko »

[V2]
 Aza mba misalasala
 Ka mihevitra hoe ;
 Sao ny Tompo tsy hamela
 Ahy efa diso be.
 Tsia, tsia, ry mpanota,
 Matokia marina,
 Anenenonao ny ota,
 Jeso hanamarina.

[V3]
 He, ny rany sarobidy
 No mahafa-keloka
 Ny mpanota voavidy
 Ka miaiky heloka.
 Eny, afaka ny revo
 Noho ny Mpanavotra,
 Ny devoly manandevo
 Efa resy lahatra.

[V4]
 Ny Mpamonjy mampifidy,
 Tsy manao an-keriny,
 Ka antsika ny hifidy
 Sy handray ny teniny.
 Koa raha misy very,
 Dia tsy avy aminy ;
 Ny manao ny mahavery
 Dia tsy mba maminy.</lyrics>
</song>